COV LUS UAS KEEV NUG

Supplemental Educational Services (SES) yog dab tsi?
Ua li cas tus me nyuam kawm ntawv thiaj tau kev pab cuam hauv SES?
Ua li cas kuv thiaj paub hais tias tus me nyuam twg muaj feem tau noj su dawb los yog them tus nqi tsawg zog?
Yuav ceeb toom rau cov tsev neeg li cas txog ntawm SES?
Yuav ua li cas ib tsev neeg twg thiaj tau cov kev pab cuam hauv SES?
Cov caij nyoog zwm rau hauv SES yog li cas?
Leej twg yuav muab cov kev pab cuam SES?
Cov kev pab cuam hauv SES yog dab tsi?
Ib tug me nyuam kawm ntawv yuav tau kev pab cuam mus ntev npaum li cas?
Cov chaw muab kev pab cuam nyob qhov twg?
Puas muaj tsheb thauj mus los?
Leej twg them rau SES?
Tus xib hwb qhia ntawv, los yog ib tug neeg ua hauj lwm hauv HOPE yuav muab kev piav li cas txog SES qhov chaw muab kev pab cuam?

Supplemental Educational Services (SES) yog dab tsi?
Supplemental Educational Services (SES) yog kev pab qhia ntawv pub dawb uas yuav tsum muaj rau cov me nyuam nyob hauv tsev neeg txom nyem uas mus kawm rau hauv lub tsev kawm ntawv muaj Title I thiab cov me nyuam yeej kawm tsis tau ntawv zoo nyob rau peb lub xyoos sib lawv liag. Cov me nyuam nyob hauv cov tsev neeg txom nyem feem ntau yeej tau noj su dawb los yog them tsawg zog. Cov kev pab cuam no muaj pab rau cov kev kawm xws li nyeem ntawv, sau ntawv, thiab leb. SES cov kev pab cuam muaj pab rau cov hnub kawm ntawv – uas yog ua ntej los yog tom qab lawb ntawv los yog rau ob hnub so vas xaum vas thiv. Lub hom phiaj ntawm SES yog pab cov me nyuam kawm kom tau ntawv raws li lub xeev kev tshuaj ntsuam rau kev nyeem ntawv, ua leb, thiab paub lus As Kiv kom zoo. Yog xav paub ntau ntxiv txog SES, thov mus saib hauv http://www.ed.gov/nclb/choice/help/ses/index.html.
back to top

Ua li cas tus me nyuam kawm ntawv thiaj tau kev pab cuam hauv SES?
Yuav kom tus me nyuam tau txais kev pab ntawm SES, tus me nyuam yuav tsum mus kawm ntawv rau hauv lub tsev kawm ntawv muaj Title I uas nyob rau theem 2 los yog siab dua hauv txoj kev Needs Improvement (Yuav Tsum Tau Kho Kom Zoo) thiab muaj daim ntawv tau kev tso cai rau thaum lub sij hawm no kom tau noj su dawb los yog them tus nqi tsawg zog nyob rau hauv lub tsev kawm ntawv HOPE Community Academy.

*NCO NTSOOV: Yog hias tias cov nyiaj tsis muaj txaus rau cov me nyuam kawm ntawv uas muaj feem tau SES uas lawv niam thiab txiv xav kom tau cov kev pab cuam no, HOPE Community Academy yuav tsum muab rau cov me nyuam hauv cov tsev neeg uas txom nyem tshaj ua ntej. HOPE Community Academy yuav xyuas cov kev pab cuam rau cov me nyuam uas Nyeem Ntawv thiab ua Leb tsis tau zoo nyob rau Qib 4-8.
back to top

Ua li cas kuv thiaj paub hais tias tus me nyuam twg muaj feem tau noj su dawb los yog them tus nqi tsawg zog?
Txhua xyoo kawm ntawv, muaj ib cov txheej txheem tshiab rau cov tsev neeg seb puas muaj feem tau kev pab. Cov tsev neeg yuav tsum ua ntawv thov hauv tsev kawm ntawv txhua xyoo seb puas tau noj su dawb los yog them tus nqi tsawg zog. Yuav kom paub ntau ntxiv, koj hu tuaj mus nug hauv lub tsev kawm ntawv chav ua ntaub ntawv ntawm tus xov tooj 651-796-4500.
back to top

Yuav ceeb toom rau cov tsev neeg li cas txog ntawm SES?
Yuav muab kev ceeb toom rau HOPE Community Academy cov tsev neeg txog SES raws li ob peb txoj kev hauv qab no:

• Xa ntawm mus rau cov tsev neeg uas muaj feem tau txais kev pab los ntawm SES thaum lub 9 Hlis thiab 12 Hlis Ntuj
• Hauv HOPE lub website http://www.hope-school.org
• Ntawm cov rooj sib thaum piav txog SES rau cov niam txiv
• Thov kom cov koom hauv hauv zej zog pab nrog nthuav qhia tawm txog SES
• Muab cov chaw thiab cov neeg hauv SES qhia rau cov tsev neeg
  back to top

Yuav ua li cas ib tsev neeg twg thiaj tau cov kev pab cuam hauv SES?
Yuav nqua hu cov niam txiv kom lawv kav tsij thov xws li:

• Ua daim ntawm zwm hu ua SES Enrollment Form
• Mus muab daim ntawv zwm hauv HOPE lub website luam los, muab teb kom tiav es muab xa tuaj rau tom tsev kawm ntawm
• Nrog tus Thawj Coj, los yog tus Parent Liaison tham, muab kom tau daim ntawv zwm npe

Leej niam los leej txiv, los yog tus muaj cai saib xyuas tus me nyuam yuav tsum sau ntawm muab kev pom zoo rau tus me nyuam zwm npe rau hauv SES. Yog xav tau daim ntawv zwm npe no thaum twg, leej niam los leej txiv los yog tus muaj cai saib xyuas tus me nyuam hu tau tuaj rau tus xov tooj 651-796-4500, los yog mus muab daim ntawv zwm npe hauv www.hope-school.org los.
back to top

Cov caij nyoog zwm rau hauv SES yog li cas?
Yeej zwm npe tau txhua lub sij hawm hauv xyoo kawm ntawv 2010 – 2011.
back to top

Leej twg yuav muab cov kev pab cuam SES?
Muaj 6 qhov chaw muab kev pab cuam SES pab rau HOPE Community Academy cov me nyuam kawm ntawv rau xyoo 2010-2011. Txhua cov chaw uas muab kev pab cuam SES yeej tau kev pom zoo los ntawm Minnesota Department of Education lawm. Yog koj pab ib tug me nyuam kawm ntawv zwm npe, thov nco ntsoov teev tsev neeg ntawd thawj 3 yam lawv xaiv tso rau hauv daim ntawv zwm npe.

Nws yog ib qho tseem ceeb heev kom nco ntsoov tias cov kev pab cuam ntawm SES yuav tsum tsis txhob coj los pab rau thaum lub sij hawm kawm ntawv. Cov kev pab cuam no tsuas yog pab ntxiv rau cov sij hawm kawm ntawv xwb.
back to top

Cov kev pab cuam hauv SES yog dab tsi?
Cov me nyuam kawm ntawv yuav txais kev pab nyeem ntawv, ua leb, los yog ob qho tib si.
back to top

Ib tug me nyuam kawm ntawv yuav tau kev pab cuam mus ntev npaum li cas?
Cov me nyuam kawm ntawv kuj yuav tau cov kev pab cuam mus tas lub xyoo kawm ntawv, nyob ntawm tus nqi xuab moos uas qhov chaw muab kev pab ntawd teev, thiab seb tus me nyuam tuaj mus siv cov kev pab cuam ntau npaum li cas. Yeej muaj ib pob nyiaj tshem tseg rau txhua tus me nyuam kawm los yog “per pupil funding unit (PPFU)”. Nyob rau lub xyoo kawm ntawv 2010-11, cov nyiaj pab rau ib tug me nyuam twg uas yog PPFU rau SES yog $2,239.56. Yuav kom paub hais tias cov xuab moos tau ntau npaum li cas ces yuav tau muab qhov nyiaj uas pab rau tus me nyuam uas yog PPFU faib rau cov nqi xuab moos uas qhov chaw muab kev pab cuam ntawd yuav kom them.
back to top

Cov chaw muab kev pab cuam nyob qhov twg?
Ib qhov chaw twg yuav xaiv qhov chaw lawv yuav muab kev pab cuam rau.
back to top

Puas muaj tsheb thauj mus los?
HOPE Community Academy yuav tsis them cov nqi thauj me nyuam mus los. Cov chaw muab kev pab cuam SES los yog cov niam txiv yog cov yuav tau xyuas qhov nov rau. Cov me nyuam yuav tsum tsis txhob mus caij lub npav uas tsis yog lub lawv niaj zaus caij, es tsuav kom lawv mus txog rau tom qhov chaw SES muab kev pab cuam.
back to top

Leej twg them rau SES?
HOPE Community Academy siv cov nyiaj hauv Title I los mus them rau cov chaw muab kev pab cuam SES.
back to top

Tus xib hwb qhia ntawv, los yog ib tug neeg ua hauj lwm hauv HOPE yuav muab kev piav li cas txog SES qhov chaw muab kev pab cuam?
Cov xib hwb hauv HOPE yeej yuav tsum muab kev qhia txog cov chaw muab kev pab cuam piav rau cov tsev neeg uas muaj feem tau kev pab, tiam sis tsis pub kom lawv hais kom cov tsev neeg yuav tsum mus rau ib qho chaw muab kev pab cuam twg nkaus xwb. HOPE cov neeg ua hauj lwm yuav tsum nyob nruab nrab, tsis txhob xa cov tsev neeg mus rau ib qho chaw uas muab kev pab cuam uas lawm nyiam xwb. HOPE ib tug neeg ua hauj lwm twg uas pab qhia ntawv rau SES nyob rau ntawm ib qho chaw twg yuav tsum tau kos npe cog lus hais tias nws yuav tsis pub kom muaj kev cuam tshuam rau daim ntawv Conflict of Interest, lees hais tias nws to taub cov cai nov.

Thov hu rau Maychy Vu yog muaj lus nug los yog muaj kev txhawj xeeb txog HOPE Community Academy qhov SES Program: Maychy Vu Director
720 Payne Avenue
St. Paul, MN 55130
651-796-4589
maychyvu@hope-school.org.
back to top